Нидерландын хааны ордонд анх удаа Монгол зураач бүтээлээ дэлгэлээ. Тодруулбал, зохиолч, орчуулагч Г.Аюурзанын охин зураач Гэгээ тус улсын "Хааны шагнал"-д бүтээлээрээ нэр дэвшсэн байна.

           Энэ талаар яруу найрагч Л.Өлзийтөгс "Хайртай охин Гэгээ минь Нидерландын хааны ордонд уран бүтээлээ дэлгэж буй анхны Монгол зураач болж байна. Дүрслэх урлагийн аугаа өв, түүхтэй улсын "Хааны шагнал"-д монгол бүсгүй нэр дэвшсэн нь манай зураачид хаанахын хэнээс ч дутахгүйн нэгэн баталгаа" гэж өөрийн цахим хуудастаа сэтгэгдлээ хуваалцжээ.

Зураач А.Гэгээгийн анхны зургийн үзэсгэлэн Амстердам хотын Van Zijll Langhout контемпорари урлагийн галерейд өнгөрсөн оны хоёрдугаар сарын 17-нд нээлтээ хийсэн байна.