Олон улсын таеквондо-гийн холбоо “ITF”-ийн Ази тивийн аварга шалгаруулах 11 дэх удаагийн аварга шалгаруулах тэмцээн үргэлжилж байна. Азийн аваргыг хоёр дахь өдрийн дараах байдлаар Хойд Солонгос буюу БНАСАУ-ын тамирчид 24 алт, 11 мөнгө, 2 хүрэл, нийт 37 медаль хүртсэн амжилтаар тэргүүлж явна. Харин Монгол Улсын баг, тамирчид долоон алт, 14 мөнгө, 16 хүрэл, нийт 37 медальтайгаар хоёрдугаар байрт явж байна.

    Гуравдугаар байрт ОХУ-ын баг, тамирчид таван алт, гурван мөнгө, зургаан хүрэл, нийт 14 медаль хүртсэн амжилт үзүүлжээ. Медалийн чанараар дөрөвдүгээр байрт Камбож Улс явна. Тэд нэг алт, таван мөнгө, зургаан хүрэл, нийт 12 медалийг одоогоор хүртээд байна. Малайз болон Казахстан Улсын баг тамирчид нэг алт, найман хүрэл, нийт есөн медаль хүртсэн амжилтаар V-VI байрт явна. Азийн аварга шалгаруулах тэмцээн наймдугаар сарын 9-ний өдөр өндөрлөнө.