Дэлхийн оюутны “Универсиад” ХХХII наадам  Герман Улсын зургаан хотод 12 өдрийн туршид явагдаж өндөрлөв. Тус наадам спортын 18 төрөлд явагдсан. Германы Дуйсбург хотноо дэлхийн оюутны 32-р “Универсиад” наадмын хаалтын ёслолын ажиллагаа боллоо. Тус наадамд 102 орны 9047 төлөөлөгчид оролцов.

    Герман Улсад нийт 1970 их дээд сургуулийн эмэгтэй 2974, эрэгтэй 3259 тамирчин зорин иржээ. Наадмын үеэр дэлхийн “Универсиад”-ын  дээд амжилтыг 27 удаа шинэчлэн тогтоосон байна. Энэ удаад зохион байгуулагч орны зүгээс хөгжлийн бэрхшээлтэй тамирчдын дунд пара сагсан бөмбөгийн 3х3 төрлийн тэмцээнийг нэмэн оруулж, зохион байгуулсан нь онцлог байв.