“Улаанбаатар-2025” жүдо бөхийн  "Их дуулга" тэмцээнд 56 сайн дурын ажилтан ажиллаж байна. Сайн дурын ажилчид бол тэмцээний ард сэтгэл, зүрхээ зориулан зогсож буй баатрууд юм. Тэд тамирчдыг угтан авах,орчуулга хийх, тасалбар, зохион байгуулалт, мэдээлэл түгээх зэрэг олон ажлыг хийж байгаа. Н.Анужин ахлагчтай энэхүү баг нь 29 орны 200 гаруй шилдэг жүдочийг угтан авч, Монголын нэрийг өндөрт өргөхөд гар бие, сэтгэл зүтгэлээ гаргаж буй Монголын нүүр царай болж буй залуучууд юм. “Степпе арена”-д болон зочид тамирчдын буудлуудад орчуулга хийж, тэмцээнийг амжилттай зохион байгуулахад тус нэмрээ оруулж буй “VOLUNTEERS” залуучууд “Их дуулга”-ын жинхэнэ “Тулгуур багана” болж байна.