Тулаант киноны мастер Гонконгийн нэрт жүжигчин Жеки Чаны хөрөнгө хэдэн арван сая доллараар үнэлэгдэх хэмжээтэй билээ. Тэрбээр өөрийгөө Монгол цустай хэмээн бахархдаг юм билээ. Жаки Чаны өвөө Монгол гаралтай хүн байсан гэдэг . Жаки Чаны хийж бүтээсэн олон сайхан уран бүтээл одоо ч ашгаа өгсөөр байгаа. Магадгүй мөнгө олъё гэж хүсвэл тэрбээр өдөрт саяыг ч олох боломжтой гэдгээ хэлжээ. Гэхдээ мөнгөний хойноос хэт хөөцөлдөж, мөнгөний боол болохыг хүсэхгүй байгаа гэдгээ илэрхийлсэн байна. 

     Тэрбээр нэг өдөрт хэдий олон хүнд тусална, шөнө нь төдийчинээ сайн унтдаг гэж хэлжээ. Буяны ажилд өөрийн сэтгэл зүрхээ зориулан яваа нэр жүжигчин ядарч зовсон хүмүүст болон бусдад туслахыг маш их хүсдэг гэнэ. Жеки Чан 400 сая ам.долларыг буяны үйлсэд хандивлах гэрээслэл бичсэн байгаа аж.

     Жеки Чан хүүдээ хөрөнгө, мөнгө өвлүүлэхгүй байх шалтгаанаа тайлбарласан байна.  “Миний хүү хэтэрхий аминч үзэлтэй, эрх дураараа өссөн хүн. Хар тамхи, мансууруулах бодис хэрэглэж явсан. Харин би хар тамхи, мансууруулах бодисноос хол хөндий нэгэн. Би хүүдээ сайн боловсрол эзэмшүүлэхийг зорьсон. Гайхалтай боломжтойгоор амьдралаа эхлэх нөхцөлийг нь хангаж өгсөн.  Одоо бол үгүй. Хэрэв тэр чадвартаа бол өөрөө мөнгө олж чадна.  Хэрэв чадваргүй бол зүгээр л миний өгсөн хөрөнгө, мөнгийг үрнэ. Энэ мөнгө хэрэгтэй хүмүүстээ тус болоосой. Би энэ ертөнцөөс буцахдаа аваад явахгүй шүү дээ” гэжээ.