“Улаанбаатар-2025” жүдо бөхийн “Их дуулга” тэмцээний хоёр дахь өдрийн барилдаан тун удахгүй эхлэх гэж байна. Өнөөдөр эрэгтэйчүүдийн 73, 81, эмэгтэйчүүдийн 63, 70 кг-ын барилдаанууд 12:30 цагаас эхэлнэ. Эрэгтэйчүүдийн 73 кг-ын жинд ДАШТ-ий хүрэл медальт, ОУХМ Л.Анхзаяа, ОУХМ Уранбаяр, Л.Энхдөл, Ж.Энтөр, 81 кг-ын жинд О.Шинэбаяр, Г.Батсугар, Н.Мөнхбаяр, Г.Түвдэнренчин нар хүч сорин өрсөлдөнө. Харин эмэгтэйчүүдийн 63 кг-ын жинд ДАШТ-ий хүрэл медалт, Ази тивийн аварга Б.Ганхайч, өсвөрийн тамирчин Х.Маралмаа, залуу тамирчин Х.Ариунтунгалаг, Ц.Сүнжидмаа нар, 70 кг-ын жинд өсвөр үеийн ДАШТ-ий хүрэл медальт ОУХМ Б.Ням-Эрдэнэ, ОУХМ С.Лхагвадулам, залуу тамирчин Д.Есүй, У.Анужин нар барилдана.