“Улаанбаатар-2025” жүдо бөхийн “Их дуулга” тэмцээний эхний өдрийн барилдаанууд өндөрлөж, таван жингийн медальтнууд тодорлоо.  Эхний өдөр Монголын бөхчүүд нэг мөнгө, дөрвөн хүрэл, нийт таван медаль хүртэв.  Японы бөхчүүд таван жингийн гуравт нь түрүүлсэн бол Узбекистан болон Оросын бөхчүүд тус бүр нэг алт авлаа. Эхний өдрийн байдлаар Японы гурван алт, нэг мөнгө, нэг хүрэл медальтайгаар багийн дүнгээр тэргүүлж явна. ОХУ нэг алт, нэг мөнгө, гурван хүрэл медальиар багийн дүнгээр хоёрдугаарт, Узбекистан нэг алтан медальтайгаар гуравдугаарт, Монгол Улс нэг мөнгө, дөрвөн хүрэл медальтайгаар IV байрт, Хорват нэг мөнгөн медальтайгаар багийн дүнгээр V байрт явна. Өнөөдөр эрэгтэйчүүдийн 73, 81 кг, эмэгтэйчүүдийн 63, 70 кг-ын барилдаанууд 12:30 цагаас эхэлнэ.

Эхний өдрийн медальтнууд:

Эрэгтэйчүүдийн 60 кг:

1.Хирото Ширакане (Япон)

2.Хаяато Кондо (Япон)

3.Бямбасүрэнгийн Сүхбат (Монгол)

3. Изнаур Сааев (IJF)

Эрэгтэйчүүдийн 66 кг:

1.Абдурахим Нутфуллоев (Узбекистан)

2.Денис Виеру (Молдав)

3.Баттогтохын Эрхэмбаяр (Монгол)

3. Жи Хюк Ян (БНСУ)

Эмэгтэйчүүдийн 48 кг:

1.Мицүки Кондо (Япон)

2.Марина Воробева (IJF)

3.Алтаншагайн Мишээл (Монгол)

3.Сабина Гилязова (IJF)

Эмэгтэйчүүдийн 52 кг:

1.Кокоро Фүжиширо (Япон)

2.Мягмарсүрэнгийн Нандин-Эрдэнэ (Монгол)

3.Глафира Борисова (IJF)

3.Юү Хон Яао (БНХАУ)

Эмэгтэйчүүдийн 57 кг:

1.Ксения Галицкая (IJF)

2.Ана Виктория Пулиц (Хорват)

3.Лхагвасүрэнгийн Сосорбарам (Монгол)

3.Мэгүми Фүчида (Япон).