Жүдо бөхийн дэлхийн аваргын хүрэл медальт, ОУХМ Болдын Ганхайчид хүндэтгэл үзүүлэх мялаалга наадам ирэх наймдугаар сарын 6-ны Хэнтий аймгийн Чингис хотын төв цэнгэлдэх хүрээлэнд зохион байгуулагдана. Наадмын үеэр соёолон насны морин уралдаан, хүчит 64 бөхийн барилдаан, өсвөр үеийн 32 бөхийн барилдаан тус тус болно.

     Тус бэсрэг наадмыг Хэнтий аймгийн Засаг даргын Тамгын газар болон Баянхутаг сумын Засаг даргын тамгын газар хамтран зохион байгуулах юм. Энэхүү наадам нь ОУХМ Болдын Ганхайчийн олон улсын дэвжээнд эх орныхоо нэрийг өндөрт өргөсөн амжилтыг алдаршуулах зорилготой ажээ.