Сурагчдын дэлхийн хошой аварга, Монгол Улсын өсвөр үеийн дөрвөн удаагийн аварга, ОУШХ-ны мастер, “Data Bank LLC”-ийн тамирчин Батпэлдэнгийн Буянхишиг Олон улсын шатрын холбооны “2200” чансааны босгыг давж чадсан байна. Тэрбээр ийнхүү замналынхаа хамгийн өндөр чансаанд хүрч чадлаа.

    Б.Буянхишиг ‘Парачин Опен’ тэмцээнээс чансааны оноогоо 121-аар нэмж, ‘Серби Опен’ тэмцээнээс 87-оор нэмлээ. Түүний чансаа нэмэгдсэнээр МУГТ Б.Мөнгөнтуул, Т.Батчимэг, А.Энхтуул,  Олон улсын их мастер Ү.Үүрийнтуяа, Д.Номин-Эрдэнэ, Т.Мөнхзул, Б.Амина, шатрын олимпиадын аварга Б.Мөнгөнзул гэх мэт шилдэг мэргэжлийн тамирчин эгч нарынхаа дунд итгэл дүүрэн орж ирлээ.