Олон улсын жүдо бөхийн холбоо “IJF”-ийн цуврал “Улаанбаатар-2025”  жүдо бөхийн “Гранд слам” тэмцээн эхлэхэд хоёр хоног үлдлээ.  Монгол Улсын нийслэл Улаанбаатар хотод долдугаар сарын 25-27-ны өдрүүдэд “AIC Steppe Arena”-д болох гэж байна. Энэ удаагийн “Их дуулга” тэмцээн “Лос-Анжелес-2028” олимпын чансааны оноо олгох эхний тэмцээн гэдгээрээ онцлогтой.  Тус “Их дуулга” тэмцээнд 29 орны эрэгтэй 148, эмэгтэй 99 тамирчин, нийт 247 тамирчин өрсөлдөнө.     

      Монгол Улсын ерөнхийлөгчийн ивээл дор “Улаанбаатар гранд слам” тэмцээн гурав дахь удаагаа Монгол Улсад зохион байгуулагдах гэж байна. Энэ удаагийн “Гранд слам”  тэмцээнийг Олон улсын жүдо бөхийн холбоо “IJF”, МЖБХ, Монгол Улсын Ерөнхийлөгчийн Тамгын газар, Монгол Улсын Засгийн газар, Нийслэлийн Засаг даргын Тамгын газар, “Улаанбаатар хөгжлийн корпораци”, Соёл спорт, аялал жуулчлал, залуучуудын яам, Биеийн тамир, спортын улсын хороо хамтран зохион байгуулна.