Монголын оюутан жүдочид өчигдөр Герман Улсад ирж, мандатаа авч, техникийн зөвлөгөөн оролцон, цагийн зөрүүгээ гарган, цаг агаарт нь дасан зохицохоор ажиллаж байна. Тамирчид тэмцээний өмнөх бэлтгэлдээ орж, кимоногийн арын дугаараа авч, жиндээ ороход бэлтгэж байна.

     Баг тамирчдыг бэлтгэх ажилд оюутны шигшээ багийн ахлах дасгалжуулагч “Мон-Алтиус Цагаанбаатар” академийн тэргүүн, хөдөлмөрийн баатар, дэлхийн аварга Х. Цагаанбаатар ихээхэн хувь нэмрээ оруулсан юм.

    “Универсиад-1999”  наадмаас эхлэн жүдо бөхийн төрлөөр медаль хүртэн, 2003 оноос медалийн буухиагаа тасралтгүй үргэлжүүлж байгаа амжилтаа энэ удаагийн тамирчин оюутнууд ахиулна гэдэгт найдаж байна.