Спорт, хана хад болон мөсөн авиралтын “Саммит” клубийн тамирчин, спортын дэд мастер Очигбалын Ууганцэцэг 1995 оны энэ өдөр мэндэлжээ. Тэрбээр спорт авиралт болон мөсөнд авиралтын төрлүүдийн УАШТ-ээс 11 алтан медаль хүртэж байсан.

    Улаанбаатар хотын аварга шалгаруулах тэмцээний таван алтан медальтай. 2024 оны УАШТ-ээс нэг алт, нэг мөнгө, нэг хүрэл медаль хүртсэн шилдэг тамирчдын нэг юм.   О.Ууганцэцэг МУБИС-ийн Аялал жуулчлалын ангийг төгссөн.  2013 оноос хойш спорт авиралтаар хичээллэж байгаа.

    Одоогоор Улаанбаатар хотод “Climb partner” авиралтын хана болон МУБИС-ийн Биеийн тамирын сургуулийн хананд авиралтын бэлтгэл сургуулилалтаа тогтмол хийдэг. Экстрим спортын төрлүүдээр мэргэшсэн гадны тамирчдыг харж бас бахархаж, урам зориг авдаг гэсэн.