Хятадын  Shenzhen хотод сагсан бөмбөгийн 5х5-ын эмэгтэйчүүдийн Азийн цомын аварга шалгаруулах  “Asia cup 2025” тэмцээний хүрэл медалийн төлөө манай баг Тайландын багтай тоглоно. Өчигдөр Монгол Улсын баг Тайваний шигшээ багтай хагас шигшээ шатанд тоглож  92:82-оор хожигдож, Азийн аваргын “В” дивизоны хүрэл медалийн төлөө тоглохоор шалгарч үлдээд байна. Манай баг Тайваний багтай үнэхээр сайхан тоглосон. МУГТ О.Хулан 24 оноо, долоон самбар, МУГТ Б.Ариунцэцэг 15 оноо, 11 самбар, МУГТ Н.Нандинхүсэл 11 оноо, дөрвөн самбар, Цацрал 11 оноо, хоёр самбар авч багаа тэргүүллээ.

     Өмнө нь Монгол Улсад “UG Arena”-д  өнгөрсөн дөрөвдүгээр  сард Тайванийн багтай тоглоход 79: 43-аар буюу 36 онооны зөрүүгээр манай баг хожигдож байсан билээ. Богино хугацаанд манай баг эрс сайжирсан байна. Багийн хамгаалалт, довтолгоо сайжирсан ч шидэлт жаахан тааруу байлаа. Өнөөдөр Монгол Улсын баг 13:30 цагаас Тайландын багтай  гуравдугаар байрын төлөө тоглоно.