Дэлхийн оюутан залуучуудын универсиад их наадамд “Rhine-Ruhr -2025”  Герман Улсад үргэлжилж байна. ХБНГУ-ын Эссэн хотноо зохион байгуулагдаж байгаа дэлхийн оюутны универсиад наадмын туялзуур сэлмийн тэмцээнд Монгол Улсаас У.Мөнххасар  “ЛТ Фенсинг” клуб,  М.Хүслэн “ЛТ Фенсинг” клуб,  Г.Сумъяабалдан “УБ Фенсинг” клубээс  оролцож байна.  

     Сэлэмчид  эрэгтэйчүүдийн ганцаарчилсан тэмцээндээ тулалдлаа. Тус төрөлд нийт 35 улсын 115 сэлэмчин өрсөлдөв. М.Хүслэн хэсэгтээ Австрали, Сингапур болон Шинэ Зеландийн сэлэмчдийг ялж, У.Мөнххасар Саудын Араб, Украины тамирчдыг ялж тус тус хэсгээсээ шалгарсан. Г.Сумъяабалдан Норвеги болон Италийн сэлэмчдийг буулган авсан амжилтаар тэмцээнээ өндөрлүүлэв.

     Хасагдах шатад М.Хүслэн,  Израилийн тамирчинтай оноолт таарч нэг онооны зөрү гээр буюу 15:14 харьцаатай ялагдаж, У. Мөнххасар Унгар сэлэмчинд ялагдсанаар тэмцээнээ дуусгалаа. Манай сэлэмчид долдугаар сарын 21-ний өдөр багийн төрөлд өрсөлдөнө.