Тулгар төрийн 2234, Их Монгол Улсын 819, үндэсний эрх чөлөө, тусгаар тогтнолоо сэргээн мандуулсны 114, ардын хувьсгалын 104, ардчилсан хувьсгалын 35 жилийн ой, “Үндэсний их баяр наадмын тухай хууль”-д  2025 онооос дагаж мөрдөхөөр тусгагдсаны дагуу 21аймаг, гурван дүүргийн баяр наадмын шөвгийн дөрвөн бөхөөс, нийт  96 бөхөөс допингийн шинжилгээний сорьц авсан байна.  Герман Улсын явуулсан шинжилгээний зарим хариу ирснийг Монголын үндэсний бөхийн холбооноос мэдээлэл гарган хүргэж байна. 2025 оны долдугаар сарын 18-ны өдөр 14 бөхийн шинжилгээнээс зургаан бөхийн  хариу ирснээс хоёр бөхийн сорьцноос хориглосон бодис илрээгүй. Харин дөрвөн бөхийн сорьцноос хориглосон бодис илэрчээ.