Тулгар төрийн 2234 жил, Их Монгол Улсаа байгуулсны 819 жил, Үндэсний эрх чөлөө, тусгаар тогтнолоо сэргээн мандуулсны 114 жил, Ардын хувьсгалын 104 жил, Ардчилсан хувьсгалын 35 жилийн ой, Үндэсний их баяр наадмын үндэсний бөхийн барилдаанд Баянхонгор аймгийн Жинст сумын харьяат улсын начин Э.Батмагнай түрүүлж улсын арслан цол хүртсэн билээ. 

     Түүний энэхүү амжилтыг “М-Си-Эс” группийн захирлуудын зөвлөлийн дарга Ж.Оджаргал нэг тэрбум төгрөгөөр мялаахаа мэдэгдлээ. Ж.Оджаргал “Сүүлийн жилүүдэд нутгийн залуу бөхөө дэмжиж, дээлийн захыг нь мушгиж ирлээ. Хонгор нутгаас маань 76 жилийн дараа улсын наадмын түрүү бөх тодорсонд магнай тэнийн баярлаж байна. Шинэ арслангийнхаа амжилтыг нэг тэрбум төгрөгөөр мялааж, улсын аварга хэмээх эрхэм цолонд хүрч, түмэн олноо баярлуулахыг хүсэн ерөөе" гэжээ.