Үндэсний бөхийн барилдаанд улсын начин цолоо баталсан Булган аймгийн харьяат, улсын начин Б.Түмэндэмбэлийн сэтгэгдлийг хүргэе.  Тэрбээр "Сайхан барилдаж улсын начин цолоо баталсандаа баяртай байна. Энэ жил манай Булган нутгийн бөхчүүд нэгдэж Баасандорж, Ёндонсамбуу багшийнхаа удирдлага дор бэлтгэлд гарсан. Монгол төрийнхөө наадамд найм дахь жилдээ барилдаж начин цолоо баталлаа. Юуны өмнө төрүүлж өсгөсөн аав, ээждээ болон ханийнхаа аав, ээжид, багш нартаа, бэлтгэлд цуг гарсан найз нартаа бүгдэд нь баярлалаа. Хил хамгаалах газар, “Хилчин” спорт хорооны хамт олондоо баярлалаа.  Үргэлж дэмжлэг туслалцаа үзүүлдэг “Кардеш” компани, “Дээдсийн жигүүр” компанийн хамт олондоо баярлаж талархаж явдаг шүү гэдгээ дамжуулан хэлье" гэлээ.