Ардын хувьсгалын 104 жилийн ойн үндэсний их баяр наадамд Өвөрхангай аймгийн Хархорин сумын аймгийн хурц арслан О.Наранбаатар амжилттай барилдаж улсын харцага цолны болзол хангалаа. Тэрбээр долоогийн даваан Дархан аварга Н.Батсуурьтай барилдаж, өвдөг шороодсон юм. Барилдааныхаа талаар "Сэтгэгдэл өндөр байна. Төрийн наадамд гурав дахиа тавын даваан гарч ирсэн. Гурав дахь дээрээ улсын харцага цолтой боллоо, сайхан байна. Аваргын бэлтгэл үнэхээр сайн байна. Мэдрэмж өндөртэй хүн байна. Тэгээд нутгийнхандаа болон монголчууддаа баярлалаа, ,сайхан наадаарай, гэр бүлийнхэндээ болон ахан дүүстэй баярлалаа" гэв.