Япон Улсын алдарт мастер, Олон улсын таэквондогийн холбооны домогт аварга, дэлхийн “MVP”  “Шилдэг тамирчин” Pak Chong Hyon Монгол Улсын шигшээ баг тамирчид багш дасгалжуулагч шүүгч нарт хандсан үнэ төлбөргүй сургалт семинарийг хийжээ.

     Тэрбээр дэлхийн долоогийн удаагийн аварга, таван удаагийн дэд аварга, дэлхийн “MVP” шилдэг тамирчин, хар бүс 7-р дант Японы алдарт мастер Pak Chong Hyon Монголын мастеруудын холбооны урилгаар Монгол Улсад ирж сургалт семинар зохион байгуулсан байна . Тус сургалтад Олон улсын таэквондогийн Монголын холбооны клубүүдийн багш дасгалжуулагч, баг тамирчид идэвхтэй хамрагджээ.

     Энэ оны аравдугаар сарын 3-13-ны өдрүүдэд Итали Улсад зохиогдох дэлхийн аварга шалгаруулах тэмцээний шинэ дүрэм, түль дасгалын арга барил, таэквон-догийн гүн ухаан философоос хуваалцсан байна. Мөн тэрбээр тулааны техник, хөдөлгөөнт дасгал буюу түль, тэмцээний шүүлт, онолын мэдлэгийг талаар мэдээлэл өгчээ.

     Үүнээс гадна өсвөр үе, насанд хүрэгчдийн түвшний сургалт, мастерын туршлагаас шууд суралцах ховор боломжийг олгожээ. Pak Chong Hyon нь Олон улсын таэквондогийн Япон Улсын холбоог үүсгэн байгуулагч аж. Тэрбээр өмнө нь Япон Улсын шигшээ багаа ахлан Монгол Улсад зохион байгуулагдсан Ази тивийн аварга шалгаруулах тэмцээнд 2002, 2018 онуудад ирж, оролцож байжээ.