Тулгар төрийн 2234 жил, Их Монгол Улс байгуулагдсаны 819 жил, үндэсний эрх чөлөө, тусгаар тогтнолоо сэргээн мандуулсны 114 жил, ардын хувьсгалын 104 жилийн ой, ардчилсан хувьсгалын 35 жил, Булган аймаг байгуулагдсаны 87 жилийн баяр наадмын сурын харваанд 63 харваач цэц мэргэнээ сорилоо.

Эрэгтэй төрөлд 35 харваач оролцсоноос:

Булган аймгийн Гурванбулаг сумын уугуул “Дайчин вангийн мэргэд” сурын холбооны харваач Аймгийн гарамгай харваач спортын мастер Д.Мөнхжаргал 32 оноогоор түрүүлж “Аймгийн мэргэн” цолны болзол хангав.

Булган аймгийн Булган сумын уугуул “Дайчин вангийн мэргэд” сурын холбооны харваач спортын дэд мастер Б.Батбаяр 31 оноогоор дэд байрт шалгарч “Аймгийн гарамгай харваач” цол хүртлээ.

Орхон аймгийн Баян-Өндөр сумын уугуул “Хангарьд” спорт клубийн харваач О.Тэнүү 29 оноогоор гуравдугаар байрт шалгарч “Гоц харваач” цолтон болов.

Эмэгтэй сурын төрөлд 28 харваач өрсөлдсөнөөс:

Булган сумын Бүрэгхангай сумын харьяат “Дайчин Вангийн мэргэд” сурын холбооны харваач “Аймгийн гарамгай харваач”, спортын мастер Галбадрахын Намуун 35 онож тэргүүн байрт шалгарч, “Аймгийн мэргэн” цолны болзол хангав.

Хөвсгөл аймгийн Төмөрбулаг сумын уугуул “Дайчин вангийн мэргэд” сурын холбооны харваач “Аймгийн гоц харваач”, спортын мастер Д.Отгонбаяр дэд байрт шалгарч “Аймгийн гарамгай харваач” цолны болзол биелүүллээ.

Булган аймгийн Дашинчилэн сумын уугуул “Дайчин вангийн мэргэд” сурын холбооны харваач “Аймгийн мэргэн” спортын дэд мастер М.Мөнхзул 29 онож гуравдугаар байрт орлоо.