Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 104, Ардчилсан хувьсгалын 35 жилийн ойн үндэсний их баяр наадмын хүчит бөхийн барилдааны тавын даваанд Дорноговь аймгийн Айраг сумын харьяат, аймгийн арслан М.Бямбадорж улсын арслан Ц.Содномдоржоор тав давж, Монгол Улсын начин цолны болзол хангаад байна. Шинээр улсын цолтон болсон М.Бямбадоржийн сэтгэгдлийг хүргэе.

    Тэрбээр "Дорноговь нутагтаа улсын цолтой очих болсондоо баяртай байна. Юуны өмнө түрүүлж өсгөн аав, ээждээ, нутгийн зон олондоо маш их баярлалаа гэж хэлье. Үргэлж хажууд минь байж, тусалж дэмжиж, ар гэрийн хамаг ажлаа амжуулж, миний найдвартай ар тал болж байсан эхнэртэй баярлалаа. Би үндэсний бөхийн спортоор 14-16 жил зодоглож байж, Монгол Улсын начин цолонд хүрлээ" гэлээ.