Гүрж Улсын Батуми хотноо шатрын "Дэлхийн цом-2025" тэмцээн үргэлжилж байна. Дэлхийн цомын тэмцээний эхний сенсаацийг Казахстан Улсын шигшээ багийн тамирчин дэлхийн чансааны эхний 100-д ч нэр нь байхгүй 19 настай охин Меруэрт Камалиденова дэгдээлээ.

        Тэрбээр 2023 оны “Дэлхийн цом”-ын эзэн,  2020 онд   дэлхийн аварга Жү Вэн Жүнтэй шатрын хатан хаан титмийн төлөө тун тэнцүүхэн өрсөлдсөн, шатрын эмэгтэйчүүдийн бүх цаг үеийн түүхийн дөрөв дэх өндөр чансаанд хүрсэн тоглогч “2611” чансаатай , Оросын номер нэг,  өндөр зэрэглэлийн шатарчин Александра Горячкина  хожиж шуугиан тариад байна.

       Өнгөрсөн жилийн дэлхийн цомын эзэн ОХУ-ын шатарчин Горячкина ийнхүү дэлхийн цомыг эрт орхиж, нутагт буцлаа. Горячкина дэлхийн цомын тэмцээнд дахин түрүүлэхн зорилготой Гүржийн Батумид ирсэн байжээ.  Түүнийг Казахстаны шатарчин охин Меруэрт Камалиденова  2.5:1.5-ын харьцаатай үр дүнгээр ялалт байгуулсан байна. Меруэрт Камалиденова үнээр түвшин ахисан гэдгээ харуулж,  шөвгийн 32-ын өрсөлдөөн рүү шилжлээ.