Тулгар төрийн 2234, Их Монгол Улс байгуулагдсаны 819, үндэсний эрх чөлөө, тусгаар тогтнолоо сэргээн мандуулсны 114, ардын хувьсгалын 104 жилийн ой, Дархан хотын 64 жилийн ойн баяр наадмын үндэсний бөхийн барилдаанд 128 бөх зодоглосон байна.

     Дархан-Уул аймгийн Орхон сумын харьяат, “Энгүүн Цогжавхлант” клубийн бөх аймгийн залуу заан Даваанямын.Батбаяр долоо даван түрүүлж аймгийн арслан цол хүртжээ. Увс аймгийн харьяат, сумын заан Эрдэнэтогтохын Түмэннасан үзүүрлэж аймгийн заан цол хүртсэн байна.  Баяр наадмын үндэсний бөхийн барилдаанд тав давсан Б.Мөнхжин, П.Лхагварагчаа нарт аймгийн начин цол, мөн зургаа давсан Э.Түмэннасанд  аймгийн заан цол олгожээ. Цол тэмдгийг Дархан-Уул аймгийн Засаг дарга Б.Азжаргал болон албаны бусад хүмүүс гардуулан өгч баяр хүргэжээ.