Орхон аймгийн баяр наадамд хүчит 128 бөх зодоглосан байна. Тус наадамд Булган аймгийн Сайхан сумын харьяат, "Нэгдэл" клубийн бөх , бөхийн чөлөөт барилдааны ОУХМ, аймгийн заан Бямбасүрэнгийн Бат-Эрдэнэ түрүүлж, аймгийн арслан цол хүртжээ. Харин үзүүрт Говь-Алтай аймгийн Баян-Уул сумын уугуул, Орхон аймгийн Баян-Өндөр сумын харьяат "Хантайшир" дэвжээний бөх, аймгийн начин Тайванбаатарын Мөнх-Ирээдүй шалгарч, аймгийн Заан цол хүртсэн байна.  Мөн Орхон аймаг, Баян-Өндөр сумын харьяат, "Нэгдэл" клубийн бөх сумын заан Дэнзэншаравын Төгс-Эрдэнэ Орхон аймгийнхаа баяр наадамд шөвгийн дөрөвт үлдэж, аймгийн начин цол хүртжээ.