Азийн хөл бөмбөгийн холбооны /AFC/ эмэгтэйчүүдийн Ази тивийн аварга шалгаруулах тэмцээний урьдчилсан шатны хэсгийн тоглолтууд явагдаж өндөрлөлөө. Манай улсын эмэгтэй шигшээ баг "B" хэсэгт өрсөлдсөн. Тэгвэл Монгол Улсын эмэгтэйчүүдийн хөл бөмбөгийн төлөөлөл Ө.Батцэцэг тус тэмцээний "H" хэсгийн тоглолтуудад ажиллалаа.

     МХБХ, АХБХ-ны “Элит шүүгч” Ө.Батцэцэг хэсгийн хоёр тоглолт дээр томилогдож шүүв. Үүний нэг нь хэсгийн тэргүүн байрын төлөөх Хойд Солонгос буюуу БНАСАУ болон Малайз Улсын шигшээ багийн чухал тоглолт байлаа. Ийнхүү Ө.Батцэцэг шүүгч Монгол Улсын эмэгтэйчүүдийн хөл бөмбөгийн төлөөлөл болж, Ази тивийн аварга шалгаруулах тэмцээнд амжилттай ажиллав.