МҮОХ-ны ерөнхийлөгч, ОУОХ-ны гишүүн Б.Баттүшиг, МҮОХ-ны ерөнхий нарийн бичгийн дарга, олимпын аварга Э.Бадар-Ууган нар БНХАУ-ын Чэнду хотноо наймдугаар сарын 7-17-ны өдрүүдэд болох “World Games 2025”-д оролцох эрхээ авсан Монгол Улсын баг тамирчдад баяр хүргэж, иж бүрэн багийн хувцас бэлэглэн амжилт хүслээ.

   Тус “World Games 2025” наадамд 110 гаруй орны, 4000 гаруй тамирчин,  34 спортын төрөлд өрсөлдөх юм. Монгол Улсаас таван спортын төрөлд арван тамирчин дэлхийн чансаагаар эрхээ авч оролцохоор болжээ.