Энэ өдөр шатар сонирхогчдын дэлхийн хошой аварга, Монгол Улсын аварга, ОУХМ Баяржаргалын Баярмаа Ховд аймгийн Чандмань суманд мэндэлжээ. Тэрбээр “Монсчесс” шатрын клубийн шатарчин. ОУХМ Б.Баярмаа Плехановын нэрэмжит Улс ардын аж ахуйн их сургуулийн оюутан байхдаа  Итали Улсын Сполето хотноо 2017 онд болсон шатрын сонирхогчдын дэлхийн аварга шалгаруулах тэмцээнд түрүүлж дэлхийн аварга болсон.  Тус ДАШТ-д 2300 хүртэлх рейтингтэй дэлхийн 61 орны 210 шатарчин оролцсон юм. Итали Улсын Кальяри хотноо 2018 онд болсон сонирхогчдын шатрын дэлхийн аварга шалгаруулах тэмцээнд хоёр дахь удаагаа түрүүлж,  шатар сонирхогчдын дэлхийн хошой аварга болж байлаа.