Жүдо бөхийн “Мон-Алтиус Цагаанбаатар академи”-ийнхан зуны бэлтгэлээ Төв аймгийн Жаргалант суманд хийж байна. Тус зуны бэлтгэлийн үеэр өсвөр үеийн бэсрэг  наадмын сорилго барилдаан болжээ. Бэсрэг наадамд урилгаар

МУГТ дасгалжуулагчаар удирдуулсан “Алдар” спорт хорооны тамирчид,  спортын мастер Б.Өсөхбаяраар удирдуулсан “Аварга” ахлах ахлах сургуулийн тамирчид хүрэлцэн ирж барилдан, уран мэхийг уралдуулан хийж хүчийг үзсэн туршлага солилцсон сайхан бэсрэг наадам болж өнгөрлөө.

     Бэсрэг наадмын 7- 9 насны ангилалд 22 бөх хүч сорьсноос түрүү бөхөөр  Эрдэнэдалай “Алдарт” спорт хороо, үзүүрт  Энхмөнх “Алдар” спорт хороо, гуравдугаар байрт  Эрдэнэтулга “Алдар” спорт хороо нар шалгарсан байна.

    Харин 10- 13 насны ангилалд 64 бөх хүч сорьсноос түрүү бөхөөр А. Төгөлдөр  “Мон-Алтиус Цагаанбаатар Академи”, үзүүр бөхөөр Б. Энхбадрал “Цагаанбаатар Академи”, шөвгийн дөрөвт Д. Артур “Цагаанбаатар Академи”, О. Дэмүүл “Цагаанбаатар Академи” нар шалгарчээ.

    Хөвгүүдийн 14-16 насны ангилалд 46 бөх хүч сорьсноос  Б. Тэмүүлэн “Цагаанбаатар Академи” түрүүлж,  Г. Элбэгсайхан “Аварга” ахлах сургууль үзүүрлж,  Дагвадорж “Алдар” спорт хороо гуравдугаар байрт оржээ.

    Ахлах насны хөвгүүдийн 17 дээш насанд 34 бөх хүч сорьсноос түрүү бөхөөр Б. Алтангэрэл “Цагаанбаатар Академи”,  үзүүр бөхөөр А.Содномпил “Алдарт” спорт хороо, гуравдугаар байрт М.Сумьяабазар “Алдар” спорт хороо шалгарсан байна.