Жүдо бөхийн “Winner” спорт клубийн тамирчид зуны бэлтгэлээ Булган аймгийн Могод суманд хийж байна. Тус клуб нь жүдо бөхийн спортоо хөдөө орон нутгийн хүүхэд залуучуудад суртчилан танин мэдүүлэх, хөгжүүлэх зорилгоор гурав дахь жилдээ дахь сумын хүүхдүүдийг дэвжээтэй болгохоор ажиллаж байгаа юм.

     “Winner” спорт клуб 2023 онд Булган аймгийн Хишиг-Өндөр сумын ЕБ-ын сургуультай,  2024 онд Булган аймгийн Баяннуур сумын ЕБ-ын сургуультай хамтран ажиллаж сургуульд нь дэвжээ гардуулан өгч байсан билээ. Харин 2025 онд Могод сумын дунд сургуультай хамтран ажиллаж мөн дэвжээ болон жүдогийн өмсгөлийг гардуулан өглөө.

     “Winner” спорт клубийн хүүхдүүдийг 14 хоногийн хугацаанд бэлтгэл сургуулилалт хийх боломжоор Могод сумын ЕБС-ийнхан ханган ажиллаж байгаа юм. “Winner” спорт клуб жүдо бөхийн спортоор дамжуулан хүүхдүүдэд олон шинэ зүйлийг сургаж зөв хүн, эрүүл хүн байх нь чухал гэдгийг сургалтынхаа том зорилго болгон ажиллаж түүнийхээ хүрээнд хөдөө орон нутгийн сургуульд хүүхдүүдийг тогтмол бэлтгэл сургуулилалт хийх боломжоор ханган, дэмжиж ажиллахыг зорьж байгаа билээ.