Хятадын Саньяа хотноо 2026 оны дөрөвдүгээр сарын 22-30-ний өдрүүдэд зохион байгуулагдах Азийн элсний VI наадам спортын 14 төрөлд зохион байгуулагдахаар боллоо. Азийн элсний наадам нь аялал жуулчлалыг хөгжүүлэхийн зэрэгцээ байгалийн болон тогтвортой нөхцөлд хоёр жил тутамд зохион байгуулагддаг наадам юм.

    Азийн олимпын зөвлөлийн ивээл дор зохион байгуулагддаг тус наадам анх 2008 онд Индонезийн Бали аралд, 2010 онд Оманы Мускат, 2012 онд Хятадын Хайнань, 2014 онд Тайландын Пукет, 2016 онд Вьетнамын Дананг хотод зохион байгуулжээ. Харин Саньяа хотноо болох VI наадмын хувьд цар тахлын улмаас зургаан жилийн дараа ийнхүү зохион байгуулагдах юм.