Муайтайгийн дэлхийн аварга Цэрэнхандын Амарсанаа 2001 оны энэ өдөр Хэнтий аймгийн төв Хэрлэн сум, Өндөрхаан хотод мэндэлжээ. Тэрбээр “Чикара дожо” дэвжээний тамирчин. 2024 оны гуравдугаар сарын 10-17-ны өдрүүдэд зохион байгуулагдсан тулааны урлагийн VI их наадмын, муайтай боксын дэлхийн аварга шалгаруулах тэмцээнд 57 кг-ын жинд тулалдан өрсөлдөгчдөө ялж, алтан медаль, аваргын бүсийг хүртэж, муайтайгийн хагас мэргэжлийн дэлхийн аварга болсон. Ц.Амарсанаа муайтайгаас өмнө сонирхогчдын боксын спортоор нэг жил гаруй хугацаанд хичээллэж байв. Тулааны спортоор 2019 оноос эхлэн хичээллэсэн.  Сүүлийн гурван жил муайтайгийн спортоор тасралтгүйгээр хичээллэж байгаа.