Монгол Улсын сагсан бөмбөгийн эмэгтэй шигшээ баг Өмнөд Солонгос Улсад  “WKBL”-ээс зохион байгуулж буй “2025 Future League” 5х5-ын эхний тоглолтоо хийлээ. Энэхүү тэмцээнд арван баг оролцож байна.  “Futures league”-т Монгол Улсын шигшээ баг, бүрэлдэхүүн дутуутайгаар Өмнөд Солонгосын багтай тоглож 84:33-аар хожигдол хүлээв.  Тус тоглолтод Б.Болор-Эрдэнэ 12 оноо, Т.Үлэмж долоон оноогоор багаа тэргүүллээ.  Тэмцээн Өмнөд Солонгосын Бусан хотод долдугаар сарын 2-10-ны өдрүүдэд есөн өдрийн турш явагдаж өндөрлөнө.