“Женко” клубийн тамирчин Цэрэндолгорын Санжидмаа 2000 оны энэ өдөр Завхан аймгийн Баянтэс суманд мэндэлжээ. Тэрбээр манай самбо, жүдо бөхийн хүнд жингийн найдвар хүлээлгэж буй ирээдүйтэй охидын нэг юм. Ц.Санжидмаа ОХУ-ын Екатеринбург хотноо олон улсын оюутны спортын фестиваль, их наадмын самбо бөхийн эмэгтэйчүүдийн +80 кг-ын жинд барилдаж хүрэл медаль хүртэж байлаа.

   Жудо бөхөөр 2018 оноос хойш хичээллэсэн. Жүдо бөхийн өсвөр үеийн улсын аваргаас дөрвөн хүрэл, залуучуудын улсын аваргаас хоёр хүрэл медаль авч байсан. Мөн 2022 онд самбо бөхийн дэлхийн аваргаас мөнгөн медаль, 2023 онд өсвөр үе залуучуудын Азийн аваргаас хос мөнгөн медаль, өвсөр үеийн улсын аваргаас хоёр алт, нэг хүрэл, залуучуудаас улсын аваргаас хоёр мөнгөн медаль хүртэж байсан. “Женко” клубийн Монголын Улсын гавьяат дасгалжуулагч Ш.Цэвэлмаа, ОУХМ Г.Саранзаяа багш нарын удирдлага дор бэлтгэл сургуулилалтаа хийж байгаа.