Чөлөөт бөхийн “U20” ангиллын залуучуудын УАШТ-ий 62 кг-ын жингийн аварга  Энхбаатарын Гүндэгмаа 2007 оны энэ өдөр Баянхонгор аймгийн Жинст суманд мэндэлжээ. Баянхонгор аймагтаа сурдаг. Тэрбээр  Баянхонгор аймгийнхаа спортын төрөлжсөн сургалттай ерөнхий боловсролын дунд сургуульд сурсан.

   Э.Гүндэгмаагийн аавын тал бөхийн удамтай. Өвөө нь аймгийн арслан цолтой Ж.Төмөр гэдэг хүн байжээ. Тийм болохоор өвөөгийнхөө үргэлжлэл болж барилдаж үзэхээр шийдэж, волейболын спортоо орхин, чөлөөт бөхийн спортыг сонгон хичээллэж байгаа юм билээ.