Монгол Улсын Ерөнхийлөгчийн ивээл дор Бельгийн хаант Улсад зохион байгуулагдаж буй “Дэлхийн монголчуудын анхдугаар наадам” болж, амжилттай өндөрлөлөө.

      Тулгар төр байгуулагдсаны 2234 жилийн ой, Их Монгол Улс байгуулагдсаны 819 жилийн ой, Үндэсний эрх чөлөө, тусгаар тогтнолоо сэргээн мандуулсны 114 жилийн ой, ардын хувьсгалын 104 жилийн ойн баярын хүрээнд  “Дэлхийн Монголчуудын анхдугаар наадам”-ыг зохион байгуулжээ.

      Тус наадам Монгол Улсын ЕТГ, Гадаад харилцааны яам, Монгол Улсаас хилийн чанадад суугаа Элчин сайдын яамд, Монголын үндэсний бөхийн холбоо болон “Хилийн чанад дахь Монголчуудын зөвлөл” НҮТББ, Монгол иргэдийн үүсгэл, санаачилгаар байгуулагдан ажиллаж буй байгууллагууд хамтран зохион байгуулсан байна.