Монгол Улсын нийслэл Улаанбаатар хотод зохион байгуулагдсан “FIBA 3x3 World Cup 2025” дэлхийн цомын аварга шалгаруулах тэмцээн өнөөдөр  өндөрлөж байна.  ДАШТ-д долоо хоногийн турш гайхалтай өрсөлдөөнийг үзүүлсэн Монгол Улсын эмэгтэй шигшээ баг дэлхийн аваргаас мөнгөн медаль хүртлээ. Нидерланд Улсын эмэгтэй шигшээ “FIBA 3x3 World Cup 2025” тэмцээний аварга багаар тодорлоо. Хүрэл медалийг Канад Улсын баг авлаа.

     Харин эрэгтэй багаас Испани Улсын баг, Швейцарын багийг 21:17-оор хожиж, алтан медалийн эзэд болж, Швейцар мөнгөн медаль авав.  Дэлхийн аваргын хүрэл медалийн төлөө Серби, Германы багууд өрсөлдөж, 21:16-аар Сербийн баг хүрэл медалийн эзэд болов.  Ийнхүү Монгол Улсад долоо хоногийн турш үргэлжилсэн “FIBA 3x3 World Cup 2025” дэлхийн аваргын тэмцээнд 27 орны эрэгтэй, эмэгтэй 40 баг өрсөлдөөн өндөрлөж, медалийн эзэд тодорлоо.