Монголын сагсан бөмбөгийн түүхэн өдөр өнөөдөр тохиож байна. “ФИБА 3х3” дэлхийн аварга шалгаруулах тэмцээний хагас шигшээд Монгол Улсын 3х3 эмэгтэй шигшээ баг маань Польшийн багийг 18:17-оор хожиж ДАШТ-ий алтан медалийн төлөө тоглохоор боллоо.  Хоёр баг үндсэн цагт 16:16-аар оноо тэнцсэн. Нэмэлт цагт Польшийн шигшээ баг нэг оноо авсан хэдий ч, Монголын багаас хожлын хоёр онооны шидэлтийг Б.Ариунцэцэг хийж багтаа ялалтыг авчирлаа. Одоо хэдхэн мөчийн дараа Монгол Улсын шигшээ баг дэлхийн аваргын алтан медалийн төлөөх тоглолтыг Нидерландын багтай хийнэ.