Нийслэл Улаанбаатар хотын иргэдийн өдрийг тэмдэглэн өнгөрүүлэх, Монголын соёл, шашны зан үйл, өв уламжлалыг хадгалсан, “ХҮРЭЭ ЦАМ-ДАНШИГ-2025” наадам үндэсний хана харваагаар эхэллээ.

    Өнөөдөр зохион байгуулагдаж буй үндэсний хана харваа, их сурын харваанд Монгол Улсын “Дархан мэргэн” тав, Монгол Улсын “Даяар дуурсах мэргэн” хоёр, Монгол улсын “Даян мэргэн” зургаа, Монгол Улсын мэргэн 16, Монголын үндэсний харваачдын холбооны “Хүндэт мэргэн” дөрөв, Монгол Улсын “Гарамгай харваач”, “Гоц харваач”, “Онч харваач”, “Тод харваач” 51, аймгийн цолтой болон спортын цол зэрэгтэй 356, сумын цолтой 164, залуу 110 харваач, нийт 714 харваач цэц мэргэнээ сорьж байна.