Монгол Улсын эмэгтэй шигшээ баг “FIBA 3x3 World Cup 2025” тэмцээний хэсгийн сүүлийн тоглолтоо Украин Улсын шигшээ багтай хийлээ. Үндсэн цагт хоёр баг 16:16-аар тэнцэж, нэмэлт цагт Монгол Улсын баг, Украины багийг О.Хулангийн хоёр онооны хожлын шидэлтээр 18:16-аар буулган авлаа. Ийнхүү Монгол Улсын эмэгтэйчүүдийн баг, Бразил, Герман, Украины багийг хожиж, Испани Улсын баг хожигдож, хэсгээсээ гурван хожил, нэг хожигдолтойгоор хоёрдугаар байраар хасагдах шатанд шалгарч байна. Маргааш манай баг шөвгийн наймд үлдэхийн төлөө Хятадын багтай тулна.