Монголын жюү жицүгийн холбооны “JUMP Mongolia” академийн тамирчин Бүлтэнгийн Хонгорзул 2004 оны энэ өдөр Дорнод аймгийн Чойбалсан хотод мэндэлжээ.

    Тэрбээр энэ сарын 19-22-ны өдрүүдэд Япон Улсад болсон жюү жицүгийн Ази тивийн аварга шалгаруулах тэмцээнээс  хүрэл медаль хүртэж, төрсөн өдөртөө, өөртөө том бэлэг бариад байна.

    Б.Хонгорзул жюү жицүгийн дэлхийн аварга шалгаруулах тэмцээний “Контакт” төрлөөс мөнгөн медальтай.  Ази тивийн аваргын хүрэл, Зүүн Азийн аваргын алтан медальтай. “U21” ангиллын ДАШТ-д 5-р байр,  Монгол Улсын аварга шалгаруулах тэмцээнээс нэг алт, хоёр мөнгөн медальтай. Олон улсын “Baikal Grand Prix” тэмцээний алтан медаль хүртэж байсан.