Сагсан бөмбөгийн “ФИБА 3х3” дэлхийн аварга шалгаруулах тэмцээнд Монгол Улсын эмэгтэй баг хэсгийн сүүлчийн хоёр чухал, шийдвэрлэх тоглолтыг өнөөдөр орой хийнэ. Манай шигшээ багийн охид Испанийн багт хожигдож, Бразилын багийг хожиж, нэг хожил, нэг хожилтой яваа. Өнөөдрийн хоёр тоглолтоос хожил авч чадвал хэсгээсээ гурваар гарах боломж бий.

    Монгол Улсын эмэгтэй баг өнөөдөр, зургадугаар сарын 26-ны өдөр 18:00 цагаас хэсгийн гурав дахь тоглолтоо Германы багтай хийнэ. Хэсгийн сүүлийн тоглолтоо 20:15 цагаас Украины багтай тус тус хийх хуваарьтай байгаа. Манай баг эмэгтэй багийн бүрэлдэхүүнд О.Хулан, Б.Ариунцэцэг, М.Цэрэнлхам, Н.Нандинхүсэл нар тоглож байна.