Олон улсын олимпын өдрийг тохиолдуулан зохион байгуулсан спортын арга хэмжээнд сайн дурын ажил хийсэн хүүхдүүд Монголын үндэсний олимпын хороонд зочилж, байгууллагын үйл ажиллагаатай танилцан, “Олимпын музей”-г үзэж сонирхлоо.

    МҮОХ-ны нарийн бичгийн дарга Э.Бадар-Ууган тэдний идэвхтэй оролцоог үнэлж, талархал илэрхийлж батламжийг гардуулан өгсөн юм. Монголын үндэсний олимпын хороо нь өсвөр үеийнхэнд олимпын хөдөлгөөний үнэ цэнийг ойлгуулах, тэднийг идэвхтэй, эерэг оролцоотой иргэд болгон төлөвшүүлэхэд чиглэсэн үйл ажиллагааг тогтмол зохион байгуулсаар ирсэн билээ.