Сагсан бөмбөгийн “FIBA 3x3 World Cup”  аварга шалгаруулах тэмцээн  “Сүхбаатарын талбай”-д үргэлжилж байна. Манай эмэгтэй шигшээ баг өчигдөр хэсгийн эхний хоёр тоглолтоо Бразил, Испани улсуудын шигшээ багийн эсрэг хийлээ. Манай эмэгтэй шигшээ баг хэсгийн эхний тоглолтоо Бразилын шигшээ багийн эсрэг хийж, эцсийн мөчид 16:14-өөр хожлоо. Манай багийн тоглогч 18 настай Н.Нандин-Хүсэл эцсийн хожлын шидэлтийг хийж, ДАШТ-ий эхний хожлоо авлаа.

     Харин хоёр дахь тоглолтод "Парис-2024" олимпын мөнгөн медальт , хүчирхэг  Испанийн шигшээ багтай хийж, 20:10-аар ялагдал хүлээв. Эмэгтэй шигшээ баг зургадугаар сарын 26-ны өдөр 18:00 цагаас хэсгийн гурав дахь тоглолтоо Германы багтай хийнэ. Хэсгийн сүүлийн тоглолтоо 20:15 цагаас Украины багтай тус тус хийх хуваарьтай байгаа. Манай эмэгтэй багийн бүрэлдэхүүнд О.Хулан, Б.Ариунцэцэг, М.Цэрэнлхам, Н.Нандинхүсэл нар тоглож байна.