Узбекистан Улсын нийслэл Ташкент хотод Г.Арзумановын нэрэмжит хөнгөн атлетикийн “С” зэрэглэлийн олон улсын тэмцээн энэ сарын 19-23-ны өдрүүдэд болжээ. Тус тэмцээнд 14 орны 300 гаруй тамирчин өрсөлдсөн байна.

     Тэмцээнд манай улсаас Үндэсний шигшээ багийн дасгалжуулагч Г.Жанцандоржийн удирдлага дор Э.Оюундарь, О.Мөнхтүмэн нар уртын харайлт, гурвын харайлт болон гүйлтийн 200, 400 метрийн зайд оролцжээ.

     Тэмцээний гурвын харайлтын төрөлд Э.Оюундарь 12.28 метр харайж мөнгөн медаль хүртжээ. Харин ойр, дундын зайн гүйлтийн 200, 400 метрийн зайд О.Мөнхтүмэн улсынхаа дээд амжилтыг шинэчилж, олон улсын хэмжээний мастер цолны болзол хангасан байна.

     Тус тэмцээнээс мөнгөн медаль хүртсэн Э.Оюундарь нь уртын харайлт болон гурвын харайлтын Монгол Улсын зургаан удаагийн аварга бөгөөд гурвын харайлтын улсын дээд амжилтыг эзэмшигч юм.