Дархан-Уул аймаг, Европын холбооны хамтын ажиллагааг өргөжүүлэх зорилгоор “Найрамдал төсөл”-ийн солилцооны хөтөлбөрийн хүрээнд Европын эксперт, мэргэжилтнүүд Дархан-Уул аймгийн Дархан хотод ажиллаж байна.

    Энэхүү төслийн хүрээнд өнгөрсөн хугацаанд Монтенегро Улсын мэргэжлийн хөл бөмбөгийн тамирчин, дасгалжуулагч, Анагаах нөхөн сэргээх институтын тусгай боловсролын сургагч сэргээн засалч нар Дархан хотод айлчлан ирж ажиллаж байв.

    Харин энэ удаа Серби Улсын 3х3-н мэргэжлийн сагсан бөмбөгийн дасгалжуулагч Бояан Томасевич хүрэлцэн ирээд, ажиллаж эхэллээ. Тэрбээр Дархан хотод таван хоногийн хугацаанд 8-17 насны өсвөрийн сагсан бөмбөгийн спортоор хичээллэгч хүүхэд залууст мэргэжил арга зүйн зөвлөгөө өгч ажиллах юм.