Монголын хутга шидэлтийн холбооны баг тамирчид энэ сарын 19-22-ны өдрүүдэд  ОХУ-ын Буриадын Улан-Үд хотод болсон Азийн аварга шалгаруулах тэмцээнд амжилттай оролцсон байна.  Азийн аварга шалгаруулах тэмцээнд 26 тамирчин оролцон гурван алт, гурван мөнгө, долоон хүрэл медаль хүртэн багаараа хоёрдугаар байр эзэлсэн амжилттайгаар эх орондоо ирж байгаа юм.

    Олон улсын спортын хутга шидэлтийн холбооноос зохион байгуулсан тус тэмцээнд 16 улсын 100 гаруй тамирчин, хутга шидэлтийн гурван төрлөөр 10 гаруй зайд хурд хүч, авьяасаа сорин өрсөлджээ.

    Монголын багийн дасгалжуулагчаар Ц.Батхүү, У. Ганбаатар нар ажилласан бөгөөд Монголын спортын хутга шидэлтийн холбооны тэргүүн Г. Эрдэнэбилэг, Ерөнхий нарийн бичгийн дарга Г. Гантулга нар багаа удирдан ажиллажээ.