“Айчи Нагояа”-2026 Азийн наадамд ажиллах залуу сэтгүүлчдийн шалгаруулалт өнөөдөр МҮОХ-нд боллоо. МҮОХ-ноос олимпын өдрийг угтсан цуврал арга хэмжээний хүрээнд шилдэг залуу сэтгүүлчийн шалгаруулалтыг Азийн олимпын зөвлөлтэй хамтран явууллаа. Спортын сэтгүүлч болох сонирхолтой, спортын сэтгүүл зүйг хөгжүүлэх эрмэлзлэлтэй, англи хэлний бичгийн болон ярианы өндөр чадвартай, 16-20 насны залуус хамрагдав.

     Тус шалгаруулалтыг Азийн олимпын зөвлөлийн хэвлэл мэдээлэл хариуцсан захирал Жинс Жоу Жиан, АОЗ-ийн хэвлэлийн төлөөлөгч Элвин Саллай нар удирдан явуулав. Шилдэг залуу сэтгүүлчдийг маргааш Үндэсний цэцэрлэгт хүрээлэнд болох олимпын өдрийн арга хэмжээ буюу “Айчи Нагояа 2026” Азийн наадмыг сурталчлах буухиа гүйлтийн тэмцээний үеэр зарлана.

    Тэргүүн байр эзэлсэн нэг хүүхэд “Айчи Нагояа 2026” Азийн наадамд урилгаар оролцох бол хоёр, гуравдугаар байрын оролцогч дурсгалын зүйл, мөнгөн шагналын эзэн болох юм.