Биеийн тамир, спортын улсын хорооноос Узбекистан Улсын Спортын яамтай хамтран ажиллах хүрээнд хоёр улсын хүндийн өргөлтийн баг тамирчдын хамтарсан бэлтгэл сургуулилалтыг зохион байгуулахаар тогтсон билээ. Тэгвэл энэ ажлын үргэлжлэл болгож, өчигдөр Биеийн тамир, спортын улсын хорооны дарга Э.Билэгт Узбекистан Улсын Баходир Джалоловын нэрэмжит боксын төрөлжсөн сургуулийн захирал Акбар Уразбаев болон сонирхогчдын боксын олимпын аварга, дэлхийн хошой алт, Ази тивийн гурван удаагийн аварга Баходир, Джалолов нарыг хүлээн авч уулзлаа.

       Уулзалтаар боксын өсвөрийн тамирчдыг харилцан өндөр түвшинд бэлтгэх тал дээр санал нэгдэж, “Бахрейн-2025” Азийн залуучуудын III наадмын өмнө хамтарсан бэлтгэл сургуулилалт хийлгэхээр тохирлоо. Цаашлаад боксын насанд хүрэгчдийн баг тамирчдыг 2026-2028 оны хооронд хамтарсан бэлтгэл сургуулилалтад хамруулах санал дэвшүүлэв.