Монгол Улсын нийслэл Улаанбаатар хотын Сүхбаатарын талбайд  “Улаанбаатар-2025” эмэгтэйчүүдийг дэлхийн цуврал тэмцээн зохион байгуулагдана.  Тус тэмцээн зургадугаар сарын 18-19-ий өдрүүдэд болох юм. Энэ удаагийн тэмцээнд  АНУ, Канад болон Монгол Улсын нийт арван улсын 12 баг өрсөлдөнө.Тэмцээнд Монгол Улсын шигшээ баг, “Mongolia”,  “Улаанбаатар Амазонс”  “Амгалан U24” багууд эх орноо төлөөлж оролцоно.

      “Ulaanbaatar Amazons” багийн бүрэлдэхүүнд  О.Хулан, Н.Нандинхүсэл, М.Булбул, Б.Ариунцэцэг нар тоглоно.  “Ulaanbaatar Amazons” баг тэмцээний “B” хэсэгт Австри, Филиппины багуудтай өрсөлдөнө. Хэсгийн эхний тоглолтоо өнөөдөр 15:30 цагаас Австрийн шигшээ багийн эсрэг хийнэ.

      Харин Монгол Улсын шигшээ баг “Mongolia” багийн бүрэлдэхүүүнд М.Цэрэнлхам, Б.Нарангоо, Ц.Болорцэцэг, Л.Жавзандулам нар тоглоно. Тэд тэмцээний “А” хэсэгт Канад, Японы багуудтай өрсөлдөнө. Хэсгийн эхний тоглолтоо өнөөдөр 15:55 цагаас Канадын шигшээ багийн эсрэг хийнэ.

   “Улаанбаатар эмэгтэйчүүдийн дэлхийн Цуврал” тэмцээнд оролцох “Amgalan U24” багийн бүрэлдэхүүнд Э.Энхбуян, Б.Номин, Б.Гэрэлмаа, Б.Нямцэцэг нар тоглоно. Манай баг тэмцээний “C” хэсэгт АНУ, Австралийг багуудтай өрсөлдөнө. Хэсгийн эхний тоглолтоо  өнөөдөр 15:05 цагаас Австралийн шигшээ багийн эсрэг хийнэ.