Боксын Ази тивийн аваргын мөнгөн медальт, ОУХМ М.Нандин-Эрдэнэ Өмнөд Солонгосын холимог тулааны “Road FC 061 ивент”-д ээлжит нэг ялалтаа байгуулав. Тэрбээр Өмнөд Солонгос Улсын тамирчин Шин Дон-Гук хэмээх хүчтэй өрсөлдөгчтэй тулалджээ. Тулаан үеэр М.Нандин-Эрдэнэ бугуйгаа гэмтээсэн хэдий ч 3-р үе дээр хүнд цохилт “KO”-гоор ялалт байгуулсан байна. М.Нандин-Эрдэнэ холимог тулааны дэвжээнд 19 ялснаас, 16 нь эхний үед “КО” буюу хүнд цохилтоор аваад байгаа билээ.